بالی ووڈ میں منتخب کردار ادا کرنے والی عالیہ بھٹ کی اگلی منزل ہالی ووڈ ہے۔
انٹرنیشنل میڈیا کے مطابق اداکارہ نیٹ فلکس کی اسپائی تھرلر’ ہارٹ آف اسٹون’ میں کام کررہی ہیں۔
پراجیکٹ میں عالیہ کے علاوہ گال گوڈٹ اورجیمی ڈورنن شامل ہیں، اداکارہ نے اس حوالے سے انسٹاگرام پرڈیڈ لائن ہالی ووڈ کی پوسٹ شیئرکرتے ہوئے خبرکی تصدیق کی .
ہارٹ آف سٹون کی ہدایت کاری ٹام ہارپر کریں گے، فی الحال اس پروجیکٹ کے حوالے سے مزید تفصیلات سامنے نہیں آئیں تاہم نیٹ فلکس نے اس کے حقوق گزشتہ سال جنوری میں خریدے تھے۔
عالیہ بھٹ کی تازہ ترین بالی ووڈ ریلیز سوانحی فلم ‘گنگوبائی کاٹھیواڑی’ ہے جس کے ہدایتکارسنجے لیلا بھنسالی ہیں،فلم کو بیحد پسند کیا جارہا ہے اوریہ باکس آفس پرمتاثرکن بزنس کرنے میں کامیاب رہی ہے.
