آسٹریلیا کے سابق کپتان گریگ چیپل کا ماننا ہے کہ پاکستان کا آئندہ دورہ آسٹریلیا کے لیے چیلنجنگ ہوگا۔
تفصیلات کے مطابق گریگ چیپل نے اپنے بیان میں کہا کہ آسٹریلیا کے لیے حالات نئے ہوں گے اور میدان میں مختلف عوامل کی وجہ سے بھارت سے مختلف ہوں گے۔
سابق آسٹریلوی کپتان گریگ چیپل کا مزید کہنا تھا کہ حالیہ دنوں میں بہت سارے لڑکوں نے بھارت میں کافی وقت گزارا ہے لیکن یہ بھارت سے ایک مختلف دورہ ہے یہ اتنا کھلا نہیں ہے جتنا بھارت ہے، اس لیے یہ میدان کے اندر اور باہر دونوں کے لیے چیلنجنگ ہوگا اور اگر پاکستان جس طرح کھیل رہا ہے ویسے ہی کھیلتا ہے تویہ ایک بڑا چیلنج ہو گا۔
