ویسٹ انڈیز میں کھیلے جارہے انڈر 19 کرکٹ ورلڈ کپ کے پلے آف میچ میں پاکستان نے سری لنکا کو 238رنز سے شکست د ےکر پانچویں پوزیشن حاصل کرلی۔
نارتھ ساؤنڈ میں کھیلے گئے میچ میں پاکستان نے پہلے بیٹنگ کرتے ہوئے 3 وکٹوں پر 365رنز بنائے، حسیب اللہ خان نے 136 اورکپتان قاسم اکرم نے 135رنز کی ناقابل شکست اننگز کھیلی۔
A comprehensive victory for Pakistan who finish their #U19CWC 2022 campaign at the fifth position 👏
They beat Sri Lanka by 238 runs.#SLvPAK pic.twitter.com/6QVsLclKaF
— ICC Cricket World Cup (@cricketworldcup) February 3, 2022
دونوں کھلاڑیوں کے درمیان دوسری وکٹ پر 229رنز کی شراکت قائم ہوئی۔
اس کے علاوہ قاسم اکرم 63 گیندوں پر سنچری مکمل کرکے پاکستان کی جانب سے انڈر 19 ورلڈکپ میں تیز ترین سنچری بنانے والے بیٹر بنے۔
366 رنز کے ہدف کے تعاقب میں سری لنکن انڈر 19 ٹیم پاکستان بولرز کا سامنا نہ کرسکی اور پوری ٹیم صرف 127 رنز پر ڈھیر ہوگئی۔
سری لنکا کی جانب سے ونوجا رانپل 53 رنز بناکر نمایاں رہے۔
