انٹرنیشنل کرکٹ کونسل (آئی سی سی) نے ٹی ٹوئنٹی رینکنگ جاری کر دی جس کے مطابق قومی ٹیم کے کپتان بابر اعظم کی پہلی پوزیشن برقرار ہے۔
پلیئرز کی رینکنگ میں پاکستان ٹیم کے وکٹ کیپر بیٹر محمد رضوان دوسرے نمبر پر ہیں جبکہ جنوبی افریقا کے ایڈن مارکرم کا ٹی ٹوئنٹی رینکنگ میں تیسرا نمبر ہے۔
ٹی ٹوئنٹی رینکنگ میں بھارت کے لوکیش راہول چوتھے نمبرپر آگئے ہیں۔
آل راؤنڈرز کی رینکنگ:
Big gains for England's Moeen Ali in the latest update of the @MRFWorldwide ICC Men's T20I Player Rankings for all-rounders 💪
More details 👉 https://t.co/s1pyiOGe63 pic.twitter.com/Q10xJcuEcI
— ICC (@ICC) February 2, 2022
آل راؤنڈرز کی رینکنگ میں افغانستان کے محمد نبی پہلے نمبر پر ہیں جبکہ بنگلا دیش کے شکیب الحسن دوسرے نمبر پر ہیں۔
آئی سی سی آل راؤنڈرز کی رینکنگ میں انگلینڈ کے معین علی 2 درجے ترقی کے بعد تیسرے نمبر پر آگئے ہیں۔
بولرز کی رینکنگ:
ٹی ٹوئنٹی بولرز کی رینکنگ میں سری لنکا کے وانندو ہسارنگا پہلے نمبر پر برقرار ہیں جبکہ جنوبی افریقا کے تبریز شمسی دوسرے اور انگلینڈ کے عادل رشید تیسرے نمبر پر ہیں۔
بولرز کی رینکنگ میں قومی ٹیم کے شاداب خان نویں اور شاہین آفریدی 11ویں نمبر پر موجود ہیں۔
