آسٹریلوی ٹیسٹ ٹیم کے کپتان پیٹ کمنز نے کہنا ہے کہ مجھے یقین ہے ہمارے اسکواڈ کے بڑے نام پاکستان کا سفر کرینگے۔
کرکٹ پاکستان کی رپورٹ کے مطابق آسٹریلوی ٹیم کے ٹیسٹ کپتان پیٹ کمنز کا کہنا ہے کہ ہمارے ٹیسٹ اسکواڈ میں شامل بڑے نام پاکستان آئیں گے تاہم کچھ کھلاڑیوں شکوک و شبہات میں مبتلا ہیں، ہماری ٹیم 24 سال بعد پاکستان کا دورہ کررہی جس کے لیےبطور کپتان میں پرجوش ہوں۔
پاکستان میں سیکورٹی کی حالیہ صورتحال کے حوالے سے کرکٹ آسٹریلیا کے سمیت آفیشلز نے پاکستان کا دورہ کیا تھا اور صورتحال پر اطمینان کا اظہار کیا تھا.
انہوں نے کہا کہ پاکستان کرکٹ بورڈ نے سیکورٹی کے حوالے سے جو اقدامات اٹھائے ہیں وہ قابلِ تعریف ہیں، دورہ جس طرح شیڈول ہے اس سے مثبت اشارہ مل رہا ہے۔کمنز نے کہا کہ کچھ کھلاڑی اسکواڈ کا حصہ نہیں ہونگے تاہم اکثریت نے دورہ پاکستان کی حامی بھر لی ہے۔
