بگ بیش لیگ میں شاداب خان کا سفر ختم

قومی کرکٹ ٹیم کے آل راؤنڈر شاداب خان بگ بیش لیگ (بی بی ایل) کی دفاعی چیمپئین سڈنی سکسرز کی جانب سے 4 میچز کھیلنے کے بعد وطن واپس آرہے ہیں۔

ٹی20 انٹرنیشنل میں قومی ٹیم کے نائب کپتان نے بی بی ایل میں محض 4 میچز کھیلے، جس میں وہ 20 رنز بنانے میں کامیاب ہوئے جبکہ صرف ایک وکٹ حاصل کرسکے۔

شاداب خان نے بگ بیش لیگ میں گزشتہ روز سڈنی سکسرز کی نمائندگی کرتے ہوئے میلبرن رینیگیڈز کے خلاف آخری میچ کھیلا تھا۔

لیگ اسپنر نے اپنے ویڈیو پیغام میں کہا کہ سڈنی سکسرز نے موقع فراہم کیا اس پر فرنچائز کا شکریہ ادا کرتے ہوئے کہا کہ بدقسمتی سے، میں اب جا رہا ہوں لیکن میں جانتا ہوں کہ آپ ٹورنامنٹ میں بہترین کارکردگی کا مظاہرہ کریں گے اور یہ ٹورنامنٹ بھی جیتیں گے۔

واضح رہے کہ شاداب خان 27 جنوری سے پاکستان سپر لیگ کے ساتویں ایڈیشن میں اسلام آباد یونائیٹڈ کی نمائندگی کرتے نظر آئیں گے۔

Load/Hide Comments

اپنا تبصرہ بھیجیں