بالی ووڈ اداکار رنویر سنگھ کی فلم 83 ریلیز ہوتے ہی ہر جگہ چھا گئی ہے۔
بھارت کی 1983 کے ورلڈ کپ میں کامیابی کے حوالے سے بننے والی فلم 83 میں مرکزی کردار رنویر سنگھ اور ان کی اہلیہ دیپیکا پدوکون نے ادا کیا ہے۔
کورونا کی وجہ سے فلم 83 کی ریلیز کئی ماہ کی تاخیر سے ہوئی ہے لیکن اس کی کامیابی نے سارے دکھ دور کردیئے ہیں۔
فلم کی کامیابی نے ایک مرتبہ پھر یہ ثابت کردیا ہے کہ رنوی اور دیپیکا کی جوڑی نجی زندگی کے ساتھ ساتھ بڑے پردے پر بھی کامیاب ہے۔
83 نے بھارت کے سینما گھروں میں پہلے دن 12 کروڑ کا زبردست بزنس کیا تھا۔ فلم نے دوسرے دن 16 کروڑ کا بزنس کیا ہے۔
رنویر کی فلم 83 اب تک بھارت میں 28 کروڑ روپے کما چکی ہے جب کہ بین الاقوامی مارکیٹ میں اس کی کمائی الگ ہے۔
ماہرین کا کہنا ہے کہ 83 آسانی سے اپنی لاگت پوری کرلے گی لیکن شائد یہ 100 کروڑ کلب میں شامل نہ ہوسکے۔
