سعودی عرب میں سلمان خان اورشلپا کی ‘دبنگ’ پرفارمنس

سلمان خان ،جیکولین فرنینڈز، شلپا شیٹی سمیت معروف بھارتی سیلیبرٹیز نے سعودی دارالحکومت ریاض کے بلیوارڈ میں انٹرنیشنل ایرینا کا اسٹیج گرما دیا۔

بالی ووڈ سیلیبرٹیزنے ریاض سیزن میں ہونے والے لائیو کنسرٹ میں ڈانس، پُرمزاح خاکوں سمیت پرفارمنسز پیش کیں۔ سلمان خان سمیت دیگر کی یہ سعودی عرب میں پہلی پرفارمنس تھی جس میں 80 ہزارسے زائد افراد کی شرکت سے جوش وخروش کا منظرہی کچھ اور تھا.

ریاض سیزن کے آفیشل ٹوئٹرہینڈل پرسلمان خان ودیگرکی پرفارمنسز کی تصاویر کے ساتھ کیپشن دیا گیا، ‘ بلیوارڈ پلس بالی ووڈ ستاروں کے ہمراہ جگمگا رہا ہے’۔

دبنگ خان، جیکولین اور شلپا کے علاوہ ‘دی بینگ، دی ٹورری لوڈڈ’ نامی اس کنسرٹ میں پربھودیوا، ساجی منجریکر، ایوش شرما، گرورندھاوا، کمال خان، منیش پال، سنیل گرووشامل تھے۔

سلمان خان کی دبنگ انٹری ان کے مشہور ڈائیلاگ ‘ ایک بار جو میں نے کمٹمنٹ کرلی، اس کے بعد تو میں خود کی بھی نہیں سنتا’ سے ہوئی۔

انٹرنیشل لیول کا یہ کنسرٹ ریاض سیزن میں لطف اندوز ہونے کیلئے آنے والوں کی سب سے بڑی ٹریٹ ثابت ہوا۔ ٹوئٹرپر ہیش ٹیگ ‘سلمان خان ان سعودی عربیہ ‘ کے ساتھ مداحوں نے اپنی بھرپور دلچسی دکھاتے ہوئے تعریفی ٹویٹس کیں۔

گزشتہ شب کنسرٹ سے قبل سلمان خان نے جمعرات شلپا کے ہمراہ پریس کانفرنس میں سعودی ولی عہد شہزادہ محمد بن سلمان کی جانب سے مدعو کیے جانے پران کا اورجنرل انٹرٹینمنٹ اتھارٹی (جی ای اے) کے چیئرمین ترکی الشیخ کا شکریہ ادا کیا۔

سلمان خان کا کہنا تھا کہ ‘ ہم وعدہ کرتے ہیں کہ یہاں باربارآئیں گے، آپکی تفریح کے لیے یہاں اپنی فلمیں لائیں گے، کنسرٹ کریں گے اور آپ کو معیاری اور اچھی انٹرٹینمنٹ فراہم کریں گے’

Load/Hide Comments

اپنا تبصرہ بھیجیں