قومی کرکٹر شعیب ملک کی اہلیہ اور بھارتی ٹینس اسٹار ثانیہ مرزا نے انسٹاگرام پر ایک دلچسپ تصویر پوسٹ کی ہے جس پر صارفین کی جانب سے بڑی تعداد میں تبصروں اور ردعمل کا اظہار کیا جارہا ہے۔
ثانیہ مرزا کی جانب سے انسٹاگرام پر ایک تصویر شیئر کی گئی ہے جس میں وہ ایک جگہ پوز بنا کر بیٹھی ہوئی ہے تاہم ان کا نچلا دھڑ نظر نہیں آرہا جب کہ ساتھ ہی ایک طرف نقلی ٹانگیں رکھی ہوئی ہیں جو کہ دراصل مجسمےکا نچلا دھڑ ہے۔
بھارٹی ٹینس اسٹار نے تصویر کے ساتھ دلچسپ تبصرہ بھی کیا ہے، انہوں نے لکھا ہے کہ ‘میں نے سوچا کہ اپنی ٹانگوں کو تھوڑا سا وقفہ دے دوں۔‘
ثانیہ مرزا کی اس پوسٹ پر بڑی تعداد میں صارفین ردعمل دے رہے ہیں ، چند گھنٹوں میں ہی ڈیڑھ لاکھ سے زائد افراد پوسٹ کو لائک کرچکے ہیں اور بڑی تعداد نے اس پر تبصرہ بھی کیا ہے۔
