پاکستان کے خلاف تیسرے ٹی 20 میچ میں بنگلا دیش نے پاکستان کو جیت کے لیے 125 رنز کاہدف دیا ہے۔ ڈیبیو کرنے والے شاہنواز دھانی نے اپنے پہلے اوور میں ہی وکٹ حاصل کر لی۔
پاکستان کے خلاف تیسرے ٹی 20 میچ میں بھی بنگلا دیش نے ٹاس جیت کر پہلے بیٹنگ کرنے کا فیصلہ کیا۔
ٹی 20 انٹرنیشنل میں ڈیبیو کرنے والے شاہنواز دھانی نے پہلے اوور میں ہی اپنی پہلی وکٹ حاصل کر لی، عثمان قادر نے بنگلا دیش کے دو کھلاڑیوں کو پویلین کی رہ دکھائی۔
بنگلا دیش نے مقررہ اوورز میں 124 رنز بنائے اور اس کے 7 کھلاڑی آوٹ ہوئے
پاکستانی کپتان بابر اعظم کا کہنا ہے کہ وکٹ بیٹنگ کے لیے مشکل لگ رہی ہے۔
انہوں نے پاکستان ٹیم میں چار تبدیلیوں کا اعلان کیا، فخرزمان،شعیب ملک ،شاہین شاہ آفریدی اور شاداب خان ٹیم میں شامل نہیں ہیں جبکہ سرفراز احمد،شاہ نواز دھانی ،افتخار احمد اور عثمان قادر ٹیم میں شامل کیے گئے ہیں۔
