پاکستان کرکٹ ٹیم ٹی 20ورلڈ کپ کے سپر 12مرحلے میں ناقابل شکست رہی اور آج آسٹریلیا کیخلاف سیمی فائنل میں میدان میں اترے گی ، لیکن ٹیم میں ریڑھ کی ہڈی کی حیثیت رکھنے والی وکٹ کیپر بلے باز محمد رضوان اور شعیب ملک گزشتہ روز سے بخار میں مبتلا ہیں ، جس پر ان کی آج کے میچ میں شرکت پر سوالیہ نشان لگ گئے تھے ۔
نجی ٹی وی کے مطابق ٹیم منیجر منصور رانا نے قوم کو خوشخبری سناتے ہوئے کہا کہ امید ہے محمد رضوان ا ور شعیب ملک آج کے میچ میں ایکشن میں نظر آئیں گے ، میچ سے قبل دونوں کھلاڑیوں کا فٹنس ٹیسٹ ہوگا، دونوں کھلاڑی سیمی فائنل کھیلنے کی خواہش رکھتے ہیں ۔
واضح رہے کہ فلو اور بخار کی وجہ سے محمد رضوان اور شعیب ملک نے گزشتہ روز پریکٹس میں حصہ نہیں لیا تھا۔
