ٹی 20 ورلڈ کپ میں آج پہلا میچ نیوزی لینڈ اور افغانستان کے درمیان دوپہر 3 بجے کھیلا جائے گا، نیوزی لینڈ جیت گیا تو بھارت کا کھیل ختم ہو جائے گا۔ رات 7 بجے پاکستان اور سکاٹ لینڈ آمنے سامنے ہوں گے۔
شاہین آج رات سکاٹ لینڈ کے خلاف میدان میں اتریں گے، یہ میچ گروپ ٹو کی دونوں ٹیموں کا آخری گروپ میچ ہے۔ یہ امر قابل ذکر ہے کہ پاکستان پہلے ہی سیمی فائنل کیلئے کوالیفائی کر چکا ہے۔
قبل ازیں سہ پہر 3 بجے نیوزی لینڈ اور افغانستان کا آمنا سامنا ہو گا، یہ میچ بھارت کے لیے زندگی اورموت کا مسئلہ ہے، نیوزی لینڈ اگر افغانستان سے جیت گیا تو سارے اگر مگر ختم، بھارتی ٹیم سیمی فائنل کی دوڑ سے باہر ہو جائے گی۔
اگر افغانستان کی نیوزی لینڈ سے جیت ہوتی ہے تو انڈیا کے سیمی فائنل میں پہنچنے کی امید تو پیدا ہو جائے گی لیکن اس کا فیصلہ انڈیا اور نمیبیا کے آخری لیگ میچ کے بعد ہو گا۔
