دنیا میں سب سے زیادہ بین الاقوامی میچز میں امپائرنگ کا اعزاز حاصل کرنے والے علیم ڈار کے دلکش اسٹروک کا آئی سی سی فین ہوگیا۔
انٹرنیشنل کرکٹ کونسل (آئی سی سی) نے جمعرات کو ابوظبی کرکٹ اسٹیڈیم میں سری لنکا اور ویسٹ انڈیز کے میچ سے قبل پاکستانی امپائر علیم ڈار کا کرکٹ شاٹ کھیلتے ہوئے ایک ویڈیو کلپ شیئر کیا۔
ویڈیو کلپ میں دیکھا جاسکتا ہے کہ علیم ڈار نے پچ پر کھڑے ہوکر ایک دلکش اسٹروک کھیلا۔
آئی سی سی نے بھی بہترین اسٹروک کھیلنے پر امپائر کی مہارت کی تعریف کی۔
واضح رہے کہ علیم ڈار نے 2009 سے 2011 تک لگاتار 3 سال بہترین امپائرکا ایوارڈ جیتا۔
