ٹی ٹوئنٹی ورلڈ کپ کے سپر 12 مرحلے کے گروپ 2 کے میچ میں پاکستان نے نمیبیا کے خلاف ٹاس جیت کر بیٹنگ کا فیصلہ کیا ہے۔
ابوظبی میں کھیلے جارہے میچ میں پاکستان کے کپتان بابر اعظم نے ٹاس جیت کر نمیبیا کو فیلڈنگ کی دعوت دے دی۔
ٹاس جیتنے کے بعد بابراعظم نے کہا کہ وہ پہلے بیٹنگ کر کے بیٹرز کو آزمانا چاہتے ہیں۔ ٹیم کا مورال بلند ہے۔
انہوں نے کہا کہ نمیبیا کے خلاف قومی ٹیم میں کوئی تبدیلی نہیں کی گئی، ہم میچ وننگ ٹیم کے ساتھ ہی اس میچ میں جائیں گے۔
اس موقع پر نمیبیا کے کپتان نے کہا کہ وہ ٹاس جیت کر پہلے فیلڈنگ کا فیصلہ ہی کرتے، دوسری اننگز میں اوس کا فائدہ اٹھائیں گے۔
واضح رہے کہ پاکستان گروپ 2 میں مسلسل 3 میچز میں کامیابی حاصل کرکے 6 پوائنٹس کے ساتھ پہلے نمبر پر ہے جبکہ نمیبیا 2 میں سے ایک میچ جیت کر 2 پوائنٹس کے ساتھ چوتھے نمبر پر ہے۔
