پاکستان کرکٹ ٹیم کے بیٹنگ کنسلٹنٹ میتھیو ہیڈن نے اپنی 50 ویں سالگرہ کا کیک ٹیم کے ساتھ کاٹ کرکے بھرپور جشن منایا۔
پی سی بی کے ٹویٹر اکاؤنٹ سے جاری ویڈیو میں دیکھا جاسکتا ہے کہ قومی ٹیم کے کھلاڑی ایک میز کے گرد جمع ہیں۔ سب سے پہلے افغانستان کے خلاف جیت کے مرکزی کردار آصف علی کیک کاٹتے ہیں اور کھلاڑی بھرپور تالیاں بجاتے ہیں۔
اس کے بعد میتھیووہیڈن نے اپنی سالگرہ کا کیک کاٹا۔ انھوں نے کیک کا ٹکڑا پہلے ثقلین مشتاق اور پھر محمد حفیظ کو کھلایا۔ اس موقع پر کھلاڑیوں نے ہیڈن کو مبارک باد دی اور خوب ہلا گلا کیا.
Pakistan team celebrated the birthday of batting consultant @HaydosTweets with last night's player of the match @AasifAli2018 #WeHaveWeWill #T20WorldCup pic.twitter.com/nU9wbdiCSj
— Pakistan Cricket (@TheRealPCB) October 30, 2021
جمعہ کی شب دبئی میں ورلڈ ٹی 20 کے میچ میں پاکستان نے افغانستان کو شکست دے کر گروپ 2 میں پہلی پوزیشن جبکہ سیمی فائنل میں پہنچنے کی راہ بھی ہموار کرلی ہے۔
