دبئی: ٹی ٹوئنٹی ورلڈ کپ کے باقاعدہ مقابلوں کے آغاز سے قبل دفاعی چیمپئن ویسٹ انڈیز کو بڑا جھٹکا لگا ہے۔
تفصیلات کے مطابق ویسٹ انڈیز کے آل راونڈر فیبین ایلن ٹخنے میں انجری کے باعث میگا ایونٹ سے باہر ہوگئے۔ آئی سی سی ٹیکنیکل کمیٹی نے ایلن کی جگہ اکیل حسین کو اسکواڈ میں شامل کرنے کی اجازت دے دی۔
ویسٹ انڈیز ایونٹ میں اپنا پہلا میچ 26 اکتوبر کو جنوبی افریقہ کے خلاف کھیلے گی۔
قبل ازیں ورلڈکپ کے وارم اپ میچ میں پاکستان ویسٹ انڈیز کو شکست دے چکا ہے۔ ماضی میں کالی آندھی کے نام سے یاد کی جانی والی ویسٹ انڈیز ٹیم نے دو بار ٹی ٹوئنٹی ورلڈ کپ اپنے نام کیا ہے۔
