دنیا کے سب سے بڑے جاسوس جیمز بانڈ سیریز کی فلم “نو ٹائم ٹو ڈائی” نے ریلیز کے پہلے پانچ روز میں 20 ارب سے زیادہ کمالیے ہیں۔
یونیورسل پکچرز کا کہنا ہے کہ اداکار ڈینیل کریگ کی آخری جیمز بانڈ فلم نے برطانیہ اور آئرش سنیما گھروں میں اپنے پہلے دن 5 ملین پاؤنڈ کا بزنس کیا ہے۔
کورونا وائرس کی وجہ سے کئی بار تاخیر کا شکار ہونے والی فلم کو 30 ستمبر کو ریلیز کیا گیا تھا، جبکہ 29 ستمبر کو اس کا رنگا رنگ پریمئیر ہوا۔
جیمز بانڈ فلم نو ٹائم ٹو ڈائی کے پریمیئر میں شہزادی کیٹ میڈلٹن، شہزادہ ولیم اور پرنس چارلس کی شرکت نے چار چاند لگائے۔
فلم کا پریمیئر رائل البرٹ ہال میں ہوا تھا جس میں شاہی خاندان کے افراد نے خصوصی شرکت کی۔ گولڈن گاؤن پہنے شہزادی کیٹ میڈلٹن مرکز نگاہ رہیں۔ شہزادی کیٹ میڈلٹن ڈینیئل کریگ سے کافی متاثر نظر آئیں اور انہوں نے ان کے کام کو بھی خوب سراہا۔
دو ہفتے قبل جیمز بانڈ فلموں کے اداکار کو برطانوی رائل نیوی کا اعزازی کمانڈر بھی بنایا گیا ہے۔
Daniel Craig has been made an honorary Commander in the Royal Navy. Commander Craig said: “I am truly privileged and honoured to be appointed the rank of Honorary Commander in the senior service.” pic.twitter.com/5pPDdznejE
— James Bond (@007) September 23, 2021
واضح رہے کہ دنیا کے سب سے بڑے جاسوس کا کردار ادا کرنے والے ڈینیئل کریگ ریٹائرڈ ہو گئے ہیں جس کے بعد نئے جیمز بانڈ کی تلاش شروع ہو چکی ہے۔
ہالی ووڈ اداکارہ ڈینیل کریگ 2006 سے جیمز بانڈ کا کردار ادا کر رہے ہیں، ڈینیئل کریگ نے نو ٹائم ٹو ڈائے کے لیے ساڑھے 4 ارب روپے معاوضہ لیا۔
ڈینیئل کریگ اپنی آخری جیمز بانڈ فلم کی شوٹنگ کے دوران اپنے کردار کو الوداع بھی کہہ چکے ہیں ان کا کہنا تھا کہ جیمز بانڈ کا کردار ادا کرنا ان کے لیے کسی اعزاز سے کم نہیں ۔
