یورپی یونین کی میڈیسن ایجنسی نے 5 سے 11 سال کے بچوں کو فائزر بائیون ٹیک کی کورونا ویکسین لگانے کی منظوری دے دی۔
یورپی میڈیسن ایجنسی نے ایک بیان میں کہا کہ اس نے یہ فیصلہ اس نتیجے پر پہنچنے کے بعد کیا ہے کہ 5 سے 11 سال کی عمر کے بچوں میں اس ویکسین کے فوائد خطرات سے کہیں زیادہ ہیں، خاص طور پر ان حالات میں جو شدید کووڈ 19 کے خطرے کو بڑھاتے ہیں۔
ایجنسی نے کہا کہ اس عمر کے بچوں کو انجکشن کے ذریعے دی جانے والی خوراک 12 سال اور اس سے زیادہ عمر کے لوگوں کو دی جانے والی خوراک سے کم ہوگی۔
ایجنسی نے یہ فیصلہ تقریباً 2,000 بچوں پر کی گئی ایک تحقیق کی بنیاد پر کیا ہے جس میں دعویٰ کیا گیا تھا کہ یہ ویکسین علامات والے کووڈ 19 کے خلاف 90.7 فیصد مؤثر ہے۔
