جنوبی افریقہ میں کرونا وائرس کے نئے ویرینٹ کےباعث قومی کرکٹ ٹیم کے باؤلنگ کنسلٹنٹ ورنن فیلنڈر آج قومی اسکواڈ سے علیحدہ ہوجائیں گے۔
پاکستان کرکٹ بورڈ کے مطابق قومی کرکٹ ٹیم کے باؤلنگ کنسلٹنٹ ورنن فیلنڈر پیر اور منگل کی درمیانی شب بنگلہ دیش سے جنوبی افریقہ کیلیے روانہ ہوں گے۔
کوویڈ-19 وائرس کے باعث فلائٹ آپریشن کی بندش کی وجہ سے ویرنن فیلنڈر اب جلد جنوبی افریقہ روانہ ہورہے ہیں.
ابتدائی طور پر ورنن فیلنڈر نے پہلے ٹیسٹ کے بعد یکم دسمبر کو ڈھاکہ سے کیپ ٹاؤن روانہ ہونا تھا۔
واضح رہے کہ جنوبی افریقی کرکٹر ٹی20 ورلڈکپ میں بالنگ کنسلٹنٹ کے طور پر قومی ٹیم جوائن کی تھی جبکہ وہ 6 اکتوبر کو پاکستان پہنچیں تھے.
