‘پریشانی کی بات نہیں ممبئی کیلئے ٹکٹ لے لیا ہے’ ممبئی ایئر پورٹ ٹوئٹر پر ٹاپ ٹرینڈ

آئی سی سی ٹی ٹوئنٹی ورلڈکپ کے سیمی فائنل میں رسائی کے لیے بھارت کی تمام امیدیں افغانستان کی نیوزی لینڈ کے خلاف فتح سے جڑی تھیں تاہم افغان ٹیم کی 8 وکٹوں سے شکست کے بعد بھارتیوں کی رہی سہی امیدیں بھی دم توڑ گئیں۔

افغانستان کی فتح کے ساتھ ہی جہاں کیویز نے سیمی فائنل کے لیےکوالیفائی کرلیا ہے وہیں افغان ٹیم اور بھارتی ٹیم سیمی فائنل کی دوڑ سے باہر ہوگئی ہیں اور ان کی وطن واپسی کا ٹکٹ کٹ چکا ہے۔

ایسی صورتحال میں ٹوئٹر پر ممبئی ائیرپورٹ ٹرینڈ کر رہا ہے بلکہ صارفین نے تو ٹوئٹر پر بھارتی ٹیم کے ممبئی ائیرپورٹ پر استقبال کی پیشگی تیاریاں شروع کردی تھیں۔

ایک صارف نے ممبئی ائیرپورٹ کا منظر دکھایا ہے جس میں سکیورٹی اہلکاروں نے بھارتی ٹیم کی آمد کے موقع پر سکیورٹی ہائی الرٹ کر رکھی ہے۔

ایک صارف نے بھارتی کرکٹرز کی ائیرپورٹ پر واپسی کی تصویر پوسٹ کی ہے اور لکھا ہے کہ بھارتی ٹیم کی ممبئی ائیرپورٹ آمد پر مستقبل کی ایک تصویر۔

ایک پوسٹ میں بھارتی کوچ روی شاستری کی منہ لٹکائے تصویر والی میم شیئر کی گئی ہے جس میں بتایا گیا ہے کہ بھارتی شہری ائیرپورٹ پر اپنی ٹیم کا انتظار کررہے ہیں۔

اس کے علاوہ بھی صارفین کی جانب سے ممبئی ائیرپورٹ کے ساتھ میمز اور پوسٹس کا سلسلہ جاری ہے جن میں سے مزید کچھ یہ ہیں۔

https://twitter.com/engrmianayub/status/1457318814832644096?ref_src=twsrc%5Etfw%7Ctwcamp%5Etweetembed%7Ctwterm%5E1457318814832644096%7Ctwgr%5E%7Ctwcon%5Es1_c10&ref_url=https%3A%2F%2Furdu.geo.tv%2Flatest%2F268821-

https://twitter.com/iqraHafeez0/status/1457318467720421378?ref_src=twsrc%5Etfw%7Ctwcamp%5Etweetembed%7Ctwterm%5E1457318467720421378%7Ctwgr%5E%7Ctwcon%5Es1_c10&ref_url=https%3A%2F%2Furdu.geo.tv%2Flatest%2F268821-

ایک ٹوئٹ میں صارف نے میم شیئر کی ہے جس میں بھارتی ٹیم کے افراد کہہ رہے ہیں کہ پریشانی کی بات نہیں ممبئی ائیرپورٹ کے لیے ٹکٹ لے لیا ہے۔

Load/Hide Comments

اپنا تبصرہ بھیجیں