ٹی 20ورلڈ کپ میں گروپ 2 میں پاکستان نے اپنے آخری میچ میں سکاٹ لینڈ کے خلاف ٹاس جیت کر بیٹنگ کا فیصلہ کرلیا ۔
شارجہ کرکٹ سٹیڈیم میں میگا ایونٹ کا 41واں میچ کھیلا جارہا ہے جس میں پاکستان نے سکاٹ لینڈ کے خلاف ٹاس جیت کر پہلے بیٹںگ کا فیصلہ کیا ہے۔
ٹاس جیتنے کے بعد پاکستانی ٹیم کے کپتان بابر اعظم نے کہا کہ ٹیم میں کوئی تبدیلی نہیں کی گئی،سکاٹ لینڈ کو بڑا ہدف دینے کی کوشش کریں گے۔
پاکستان کرکٹ ٹیم گروپ 2 میں اپنے مسلسل 4 میچ جیت کر پہلے ہی سیمی فائنل میں پہنچ چکی ہے،جبکہ نیوزی لینڈ نے افغانستان کو شکست دیکر بھارت کا بوریا بستر گول کرتے ہوئے ایونٹ کے فائنل فور میں جگہ بنالی ہے۔
پاکستان اگر سکاٹ لینڈ کو شکست دے دیتا ہے تو گروپ 2 میں ٹاپ پوزیشن پر آجائے گا۔
