لاہور: ٹی 20ورلڈ کپ کے 27ویں میچ میں افغانستان نے نمیبیا کو جیت کیلئے 161رنزکا ہدف دے دیا ہے۔
ابوظہبی میں کھیلے جارہے میگا ایونٹ کے گروپ2 کے میچ میں افغانستان نے ٹاس جیت کر پہلے بیٹنگ کا فیصلہ کیا۔
نمیبیا کے خلاف پہلے بیٹنگ کرتے ہوئے افغانستان نے مقررہ 20اوورز میں 5وکٹوں کے نقصان پر 160رنز بنائے،محمد شہزاد نے سب سے زیادہ 45رنز بنائے جبکہ حضرت اللہ زازئی 33رنز بناکر نمایاں بیٹر رہے جبکہ اصغر افغان 31سکور بناسکے،کپتان محمد نبی 32رنز کے ساتھ ناٹ آؤٹ رہے۔
واضح رہے کہ افغانستان کی کرکٹ ٹیم پاکستان کے خلاف اپنا میچ ہار چکی ہے جبکہ نمیبیا کے خلاف گرین شرٹس نے میچ ابھی کھیلنا ہے۔
