آئی سی سی مینز ٹی ٹوئنٹی ورلڈ کپ میں گروپ 2 کے اہم ترین میچ میں افغانستان نے نیوزی لینڈ کیخلاف ٹاس جیت کر بیٹنگ کا فیصلہ کیا ہے۔
ابو ظبی میں کھیلے جارہے سپر 12 مرحلے کے 40 ویں میچ میں نیوزی لینڈ اور افغانستان کی ٹیمیں ایک دوسرے کے مدمقابل ہیں جس میں افغانستان کے کپتان محمد نبی نے ٹاس جیتا اور پہلے بیٹنگ کرنے کا ارادہ ظاہر کیا .
خیال رہے کہ ٹی ٹوئنٹی ورلڈ کپ میں بھارت کے سیمی فائنل میں پہنچنے کا فیصلہ افغانستان کی کارکردگی پر منحصر ہے ،آج اگر افغانستان کی ٹیم کیویز سے فتح حاصل کرلیتی ہے تو بھارت سیمی فائنل میں پہنچ جائے گا۔
بصورتِ دیگر نیوزی لینڈ کے جیتنے کی صورت میں بھارتی ٹیم اپنا آخر ی میچ کھیل کر اپنے ملک لوٹ جائے گی۔
گروپ 1 سے آسٹریلیا اور انگلینڈ پہلے ہی سیمی فائنل میں پہنچ چکے ہیں۔
