آئی سی سی مینز ٹی ٹوئنٹی ورلڈ کپ میں سپر 12 مرحلے کے گروپ 1 کے میچ میں سری لنکا نے انگلینڈ کے خلاف ٹاس جیت کر فیلڈنگ کا فیصلہ کیا ہے۔
ٹی ٹوئنٹی ورلڈ کپ کے سپر 12 مرحلے میں 6 ، 6 ٹیموں کو 2 گروپوں میں تقسیم کیا گیا ہے جبکہ ہر گروپ میں شامل ٹیمیں پانچ میچز کھیلیں گی اور 2 ٹاپ ٹیمیں سیمی فائنل کیلئے کوالیفائی کریں گی۔
گروپ 1 میں انگلینڈ اپنے تینوں میچز میں کامیابی حاصل کرکے 6 پوائنٹس کے ساتھ پہلے نمبر پر ہے جبکہ سری لنکا 3 میچز میں سے ایک میچ جیت سکا اور وہ 2 پوائنٹس کے ساتھ چوتھے نمبر پر ہے۔
واضح رہے کہ اگر آج انگلینڈ ،سری لنکا کے خلاف کامیابی حاصل کرلیتا ہے تو وہ رواں ورلڈ کپ کے سیمی فائنل میں پہنچنے والی پہلی ٹیم بن جائے گی۔
آئی سی سی مینز ٹی ٹوئنٹی ورلڈ کپ کے ساتویں ایڈیشن کا سپر 12 مرحلہ متحدہ عرب امارات میں جاری ہے ۔
