واٹس ایپ نے کہا ہے کہ اس نے نئے آئی ٹی رولز 2021 کے تحت رواں برس اکتوبر میں 20 لاکھ سے زائد بھارتی اکاؤنٹس بلاک کر دیئے ہیں۔
کشمیر میڈیا سروس کے مطابق واٹس ایپ کو اکتوبر میں 500 بھارتی اکاؤنٹس کے بارے میں شکایات موصول ہوئیں۔
واٹس ایپ کے ترجما ن نے کہا کہ بھارت میں اس کے 400 ملین سے زیادہ صارفین ہیں۔ یہاں یہ بات قابل ذکر ہے کہ واٹس ایپ نے صارفین کی شناخت کے حوالے سے بھارتی حکومت کے خلاف مقدمہ دائر کر رکھا ہے جس کے جواب میں بھارتی حکومت نے واٹس ایپ پر مقامی قوانین کی خلاف ورزی کا الزام لگایا ہے۔
تاہم واٹس ایپ کا کہنا ہے کہ بھارتی حکومت کی طرف سے سوشل میڈیا صارفین کے متعلق بنائے گئے قوانین غیر آئینی اور غیر قانونی ہیں۔
