نیشنل ٹی20 کپ کے نویں میچ میں سندھ نے بلوچستان کو جیت کےلیے 176رنز کا ہدف دیدیا۔
پنڈی میں کھیلےجارہے میچ میں سندھ نے ٹاس جیت کر بیٹنگ کرنے کا فیصلہ کیا، اننگز کے آغاز میں اوپنر شرجیل خان نے جارحانہ کھیل کا مظاہرہ کیا اور 20 گیندوں پر 34 رنز اسکور کیے۔ اس دوران انہوں تین چھکے بھی مارے۔
شان مسعود 31، خرم منظور 10، سعود شکیل 32 رنز بنانے میں کامیاب ہوئے جبکہ کپتان سرفراز احمد نے ذمہ دارانہ اننگز کھیلتے ہوئے ناقابل شکست 41 اورانکا بھرپور ساتھ انور علی نے 22 رنز کی اننگز کھیل کر دیا۔
بلوچستان کی جانب سے عمید آصف، کاشف بھٹی اور خرم شہزاد نے ایک ایک وکٹ حاصل کی۔
