پاکستان کرکٹ ٹیم کے بولنگ کوچ شان ٹیٹ دورہ آسٹریلیا کے لیے ٹیسٹ اسکواڈ کو تاخیر سے جوائن کریں گے۔
ذرائع کا کہنا ہے کہ شان ٹیٹ قومی ٹیسٹ اسکواڈ کا ٹریننگ کیمپ تاخیر سے جوائن کریں گے، شان ٹیٹ کے ویزا اور دیگر معاملات کو حتمی شکل دی جا رہی ہے۔
ذرائع کے مطابق سفری دستاویزات مکمل نہ ہونے کے باعث شان ٹیٹ کراچی میں قومی ٹیم کے ٹریننگ کیمپ کو جوائن نہیں کر سکیں گے، کراچی میں کیمپ کا پہلا مرحلہ 23 فروری کو ختم ہو جائے گا۔
قومی ٹیم کے ٹیسٹ کوچ شان ٹیٹ براہ راست اسلام آباد پہنچیں گے جہاں وہ پاکستان کرکٹ ٹیم کو جوائن کریں گے۔
یاد رہے کہ پی سی بی نے آسٹریلیا کے سابق فاسٹ بولر کو ایک سال کے لیے پاکستان کرکٹ ٹیم کا بولنگ کوچ مقرر کیا ہے۔
