بالی ووڈ اداکارہ اور بھارتی کرکٹ ٹیم کے کپتان ویرات کوہلی کی اہلیہ انوشکا شرما نے کہا کہ میں دنیا کو چیخ چیخ کر بتانا چاہتی ہوں کہ ویرات کوہلی ایک عظیم انسان ہیں ۔
سماجی رابطے کی ویب سائٹ انسٹاگرام پر انوشکا نے ویرات کوہلی کے ساتھ تصویر شیئر کرتے ہوئے کہا کہ اس تصویر کیلئے کسی فلٹر کی ضرورت نہیں اور یہی زندگی گزارنے کا طریقہ بھی ہے ، میں آپ کے سوا کسی ایسے شخص کو نہیں جانتی جو اندھیروں سے نکال کر روشنی میں لانے کی صلاحیت رکھتا ہو ۔
انوشکا نے مزید لکھا کہ میں جانتی ہوں ہم دونوں سوشل میڈیا کے ذریعے بات نہیں کر سکتے لیکن کبھی کبھار میرا دل چاہتاہے کہ میں دنیا کو چیخ چیخ کر بتاؤں کہ آپ کتنے عظیم انسان ہیں ۔ وہ لوگ واقعی خوش قسمت ہیں جو آپ کو جانتے ہیں ۔ہر چیز کو روشن اور خوبصورت بنانے کے لیے آپ کا شکریہ ،
اور آپ کو سالگرہ مبارک ہو ۔
