معروف بھارتی اداکارہ سوارا بھاسکر بھی کووڈ کا شکار ہوگئیں.
بیماری کی خبر دی تو کچھ لوگوں نے ناپسندیدہ جملوں کا استعمال کیا، خیال رہے کہ سوارا بھاسکر بالی وڈ کی وہ بے باک اداکارہ ہیں جو کسی بھی مسئلے پر بغیر کسی خوف کے اپنی رائے کا اظہار کرتی ہیں جس کی وجہ سے اکثر انہیں تنقید کا سامنا کرنا پڑتا ہے۔
گزشتہ دنوں سوارا بھاسکر نے ٹوئٹ کے ذریعے بتایا کہ ان کے کووڈ کا پی سی آر ٹیسٹ مثبت آیا ہے جس کے بعد انہوں نے خود کو آئسولیٹ کرلیا ہے۔ انہوں نے بتایا کہ میرا ذائقہ چلا گیا ہے، اس کے علاوہ مجھے بخار اور شدید سر درد بھی ہے۔
Hello Covid! 😬
Just got my RT-PCR test resulted and have tested positive. Been isolating & in quarantine. Symptoms include fever, a splitting headache and loss of taste. Double vaccinated so hope this passes soon. 🤞🏾
SO grateful for family & to be at home.
Stay safe everyone 🙏🏽 pic.twitter.com/2vk7Ei7QyG— Swara Bhasker (@ReallySwara) January 6, 2022
بھارت میں سوارا بھاسکر ٹوئٹر پر ٹاپ ٹرینڈ بن گیا، اداکارہ کے نام کے ہیش ٹیگ کو استعمال کرتے ہوئے جہاں ان کے چاہنے والوں نے صحتیابی کی دعا کی وہیں کچھ ناقدین نے سوارا کے مرنے کی خواہش کا اظہار کیا اور انہیں جلد اس دنیا سے جانے کی بد دعائیں دینے لگے۔
ایک صارف نے اداکارہ کی ٹوئٹ کو ری پوسٹ کیا اور اس خبر کو سال 2022 کی بہترین خبر قرار دیا، پلکیت اگروال نامی صارف نے مزید کہا کہ خدا کرے یہ اس دنیا سے چلی جائے۔
And to my dear Nafrati Chintus and trolls praying for my demise.. doston apni bhaavnaaein kaabooo mein rakho.. mujhey kuch ho gaya toh aapki rozi roti chhin jaaegi.. ghar kaisey chalega ?!? 😬🤷🏾♀️🤗 pic.twitter.com/Tx7mq3zQOD
— Swara Bhasker (@ReallySwara) January 7, 2022
دیگر صارفین نے بھی اداکارہ کی پوسٹ پر سخت الفاظ استعمال کرتے ہوئے تبصرے کیے جس پر سوارا خاموش نہ رہ سکیں۔
انہوں نے کچھ ٹوئٹس کے اسکرین شاٹس شیئر کیے اور نفرت پھیلانے والے ناقدین کو مخاطب کرتے ہوئے کہا کہ میری موت کی خواہش کرنے والے ناقدین اپنے جذبات کو قابو میں رکھیں، مجھے کچھ ہوگیا تو آپ کی روزی روٹی چِھن جائے گی، آپ لوگوں کا گھر کیسے چلے گا؟
