فلم ’فاسٹ اینڈ فیوریس 10‘ کی ریلیز ہونے کی تاریخ ایک بار پھر تاخیر کا شکار ہو گئی۔
غیر ملکی خبر رساں ادارے کے مطابق یونیورسل پکچرز کی نئی آنے والی ایکشن سے بھرپور فلم ’فاسٹ اینڈ فیوریس 10‘ کی ریلیز تاخیر کا شکار ہوگئی ہے۔
فلم’فاسٹ اینڈ فیوریس 10‘ کو اپریل 2023 میں ریلیز کرنا تھا تاہم اب فلم کے پروڈکشن ہاؤس یونیورسل پکچرز نے اسے مئی 2023 میں ریلیز کرنے کا فیصلہ کیا ہے۔
یونیورسل پکچرز کا یہ اقدام اس بات کو یقینی بناتا ہے کہ ایکشن تھرلر سیریز کا 10 واں حصہ اب اگلے سال موسم گرما میں ریلیز ہوگا۔
یونیورسل پکچرز نے فلم ’فاسٹ اینڈ فیوریس10‘ کو ایک ماہ کی تاخیر کے ساتھ 19 مئی 2023 کو ریلیز کیا جائے گا۔
یاد رہے کہ عالمی سطح پر فلم ’فاسٹ اینڈ فیوریس کے 9ویں حصّہ نے 726 ملین ڈالر کمائے تھے۔
واضح رہے کہ فاسٹ اینڈ فیوریس فرنچائز کی اس سال ریلیز ہونے والے9ویں حصّہ، ’F9: دی فاسٹ ساگا‘کو بھی سال کےآغاز میں گرمیوں میں ہی تھیٹرز میں ریلیز کیا گیا تھا۔
