شادی میں منفرد انداز سے انٹری کا شوق حادثے میں بدل گیا

شادی میں منفرد انداز میں انٹری کرنے کے رجحان میں اضافہ دیکھنے میں آرہا ہے جو کہ کچھ لوگوں کے لئے یادگار تو کچھ کے لئے مشکل ثابت ہوتا ہے۔

اس منفرد طرز کی ویڈیوز سوشل میڈیا ہر کافی تیزی سے وائرل ہوجاتی ہیں اور کچھ لوگوں کے لئے باعث شرمندگی بھی بن جاتی ہیں۔

ایسی ہی ایک ویڈیو کی بات ہم آج کریں گے جس میں دلہن کے شوق نے انٹری کو حادثے میں بدل دیا۔

یہ واقعہ بھارت کے شہر رائے پور میں پیش آیا ہے جہاں شادی میں منفرد انداز میں انٹری کے لئے ایک جھولے کا انتخاب کیا گیا جو کہ ہوا میں جھول رہا تھا۔

اس جھولے میں دلہا دلہن انٹری لینے لگتے ہیں تو اچانک جھولا اونچائی سے گرجاتا ہے جس سے جوڑا معمولی طور پر زخمی ہوتا ہے اور کچھ ہی دیر بعد حالات ٹھیک ہوجاتے ہیں۔

اس حوالے سے ٹیکنیکل اسٹاف کا کہنا ہے کہ وزن برداشت نا کرنے کی صورت میں جھولے کا توازن بگڑا تھا جس کی وجہ سے جوڑا زمین پر آگرا تھا۔

Load/Hide Comments

اپنا تبصرہ بھیجیں