امریکی اداکارہ اور ڈیزائنر نکول رچی کی سالگرہ کا خوبصورت دن ایک خوفناک اور درناک دن میں اس وقت بدل گیا جب دوران تقریب ان کے بالوں میں آگ لگ گئی۔
غیر ملکی خبر رساں ادارے کے مطابق، نکول رچی نے رواں ہفتے اپنی 40 ویں سالگرہ منائی، بعد ازاں تقریب میں پیش آئے واقعے کی خوفناک ویڈیوبھی اداکارہ کے انسٹاگرام اکاؤنٹ پر شیئر کی گئی ہے جو دیکھتے ہی دیکھتے وائرل ہوگئی۔
شیئر کی گئی ویڈیو میں اداکارہ کے سامنے سالگرہ کا کیک بھی موجود ہے جس پر ان کی تصویر بھی لگی ہے۔
ویڈیو میں دیکھا جاسکتا ہے جب اداکارہ جھک کر موم بتیاں بجھانے میں مصروف تھیں اسی دوران آگ نے ان کے سنہرے گھنگریالے بالوں کو اپنی لپیٹ میں لے لیا۔
اداکارہ نے فوراً دور ہٹتے ہوئے بالوں پر سے آگ کو بجھانے کی کوشش کی لیکن ناکام رہیں اسی کوشش کے دوران آگ مزید بڑھ گئی۔
