متحدہ عرب امارات کے صدرمقام ابوظبی میں دنیا کا سب سے بڑا ایکوریم تیار ہو گیا ہے۔
غیر ملکی خبر رساں ادارے کے مطابق ابوظبی میں موجود دنیا کا سب سے بڑا ایکوریم عوام کے لئےکھول دیا گیا ہے۔
اس ایکوریم کے بارے میں کہا جارہا ہے کہ یہ دنیا کا سب سے بڑا اور مہنگا ایکوریم ہوگا۔
اس ایکوریم میں 25 ملین لیٹر پانی ہوگا اور اس میں 68 ہزار سمندری مخلوق بشمول شارک، اسکولز آف فش، منٹاریز اور سمندری کچھوے موجود ہیں۔
اس کے علاوہ اس ایکوریم میں دنیا کا سب سے بڑا سات میٹر لمبا سانپ رکھا گیا ہے۔
خیال رہے کیونکہ اس سپر اسنیک نامی اژدھے کا وزن 115 کلو گرام ہے جبکہ اس کی عمر 14 سال بتائی گئی ہے۔
اس پروجیکٹ کے سی ای او محمد عبداللّٰہ الزابی نے بتایا کہ انکا ادارہ اس سی ورلڈ پارکس کی تعمیر پر نہایت مسرور ہے، یہ آئندہ نسل کا میرین لائف پارک ہے جبکہ امارات میں یہ آبی حیات کے ایک بڑے تحقیقی مرکز اور جانوروں کی نگہداشت کرنے والے ادارے کے طور پر بھی کام کرے گا ۔
اس حوالے سے انتظامیہ کا کہنا ہے کہ عالمی سیاحتی مقام میں مقبولیت حاصل کرنے کے لیے یہ ایکیوریم ایک اہم کردار ادا کرے گا۔
