بیجنگ 2022اولمپک سرمائی کھیلوں کے قریب آتے ہی منتظمین اس تقریب کی کامیابی کو یقینی بنانے کے خواہاں ہیں۔
2022 اولمپک اور پیرا لمپک سرمائی کھیلوں (بی او سی اوجی ) کی بیجنگ انتظامی کمیٹی کے بین الاقوامی تعلقات کے شعبے کی سربراہ ژانگ چھیان نے کہا ہے کہ سب لوگ بیجنگ سرمائی اولمپکس کے بے حد منتظر ہیں اور اس کی مکمل کامیابی کو یقینی بنانے میں کوئی وقت ضائع نہیں کررہے۔
بین الاقوامی تعلقات کا شعبہ بی او سی او جی کا بین الاقوامی اولمپک کمیٹی (آئی او سی ) اور اولمپک گھرانے کے ساتھ رابطے کا بنیادی ذریعہ ہے، جس میں اولمپک اور پیرا لمپک گھرانے اور قومی اولمپک کمیٹیاں (این او سیز) ان کے اہم صارفین ہیں۔
ژانگ کے مطابق بین الاقوامی تعلقات کا محکمہ اولمپک اور پیرا لمپک گھرانے کو پروٹوکول خدمات فراہم کرنے اور قومی اولمپک کمیٹیاں ، زبان کی خدمات اور متعلقہ شراکت داروں کے ساتھ رابطے اور ہم آہنگی، وینیو پر کارروائی اور معیار کی جانچ، اور وبا کی روک تھام اور کنٹرول اور اولمپک اہلکاروں کے لیے داخلے کی خدمات کے کاموں کی ذمہ دار ہیں۔
ان کھیلوں میں 91 ملکوں اور خطوں کے لگ بھگ 3 ہزار کھلاڑی اور 3 سے زائد ٹیم عہدیداران حصہ لیں گے۔
ژانگ نے کہا کہ ان کھیلوں کے اوقات میں ان گروپوں کو خدمات فراہم کرنے میں جامع ہم آہنگی کے لحاظ سے یہ ایک بڑا کام ہوگا۔
جہاں تک پروٹوکول خدمات کا تعلق ہے، بی او سی او جی نے تمام حصہ لینے والی قومی اولمپک کمیٹیوں کے جھنڈوں اور ترانوں کی تصدیق مکمل کر لی ہے، اور مختلف کیٹیگریز میں 10 ہزار سے زیادہ جھنڈوں کے لیے تیاری مکمل کی گئی ہے۔
