امریکی کمپنی ’ایگژوڈس انٹیلی جنس‘ کا کہنا ہے کہ بھارتی حکومت نے ان کی ٹیکنالوجی کاغلط استعمال کیا اور اس کی ونڈوز کو چین اور پاکستان کیخلاف بطور ہتھیار استعمال کیا۔
امریکی کمپنی Exodus Intelligence کے سی ای او لوگان براؤن کا کہنا ہے کہ بھارتی سرکاری حکام یا کنٹریکٹر نے ونڈوز آپریٹنگ سسٹم کی deep access دینے والی فیڈ کو منتخب کرکے اسے بدنیتی پر مبنی طریقےسے استعمال کیا جس پر بھارت کو اپریل میں کمپنی کی new zero-day research کی خریداری سے روک دیا گیا۔
اسرائیلی سافٹ ویئر سے وزیراعظم عمران خان کا نمبر بھی ہیک کرنےکی کوشش کی گئی، امریکی اخبار
انہوں نے کہا کہ کمپنی کے قابل قدر کوڈ کے دیگر ممالک کو لیک کیے جانے سے متعلق بھی تحقیقات کررہے ہیں۔
سی ای او کا کہنا ہے کہ ٹیکنالوجی کا بھارت کی جانب سے غلط استعمال قابل قبول رویے کی حد سے باہر ہے، ہم بھارتی اقدام کا حصہ نہیں بننا چاہتے۔
خیال رہے کہ گذشتہ سال روسی سائبر سکیورٹی فرم کے محققین نے سائبر جاسوسی مہم کے بارے میں بتایا تھا جس میں چین اور پاکستان میں سرکاری اور ٹیلی کام اداروں کے مائیکرو سافٹ ونڈوز پی سی کو نشانہ بنایا گیا تھا۔
