آسٹریلیا میں جاری بگ بیش لیگ میں پرتھ اسکاچرز اور میلبرن اسٹارز کی ٹیموں کے درمیان آج ہونے والا میچ منسوخ ہو گیا۔
بگ بیش لیگ کے سوشل میڈیا اکاؤنٹ پر مارویل اسٹیڈیم میں پرتھ اور میلبرن کی ٹیموں کے درمیان آج ہونے والے میچ کی منسوخ کی تصدیق کرتے ہوئے بتایا گیا کہ میلبرن اسٹارز کے اسکواڈ میں شامل سپورٹ اسٹاف کے ایک ممبر کا کورونا ٹیسٹ مثبت آیا ہے۔
سوشل میڈیا پیغام میں یہ بھی بتایا گیا ہے کہ کورونا مثبت آنے والے سپورٹ اسٹاف ممبر سے ملنے والے میلبرن اسٹارز کے تمام کھلاڑیوں کے پی سی آر ٹیسٹ لے لیے گئے ہیں جن کے نتائج کا انتظار ہے۔
بگ بیش لیگ کی انتظامیہ دونوں ٹیموں کے درمیان میچ کی نئی تاریخ کا اعلان جلد کرے گی۔
Unfortunately, tonight’s game will not go ahead as scheduled 😔⤵️ pic.twitter.com/0Ku7fY20qo
— KFC Big Bash League (@BBL) December 30, 2021
لیگ کے سوشل میڈیا اکاؤنٹ پر یہ بھی کہا گیا ہے کہ پرتھ اور میلبرن کی ٹیموں کے درمیان شیڈول میچ کے ٹکٹ ہولڈر زکو رقم کی واپسی کے لیے براہ راست رابطہ کیا جائے گا۔
Ticket holders for tonight’s match will be contacted directly regarding the refund process.
— KFC Big Bash League (@BBL) December 30, 2021
