بگ بیش لیگ کے پہلے پلے آف میں ایڈیلیڈ اسٹرائیکرز نے سڈنی ٹھنڈرز کو 6 رنز سے شکست دے کر فائنل میں جگہ بنا لی ہے۔
تفصیلات کے مطابق ایڈیلیڈ اسٹرائیکرز نے ٹاس جیت کر پہلے بیٹنگ کا فیصلہ کیا ااور مقررہ 20 اوورز میں 6 وکٹوں کے نقصان پر 184 رنز بنائےاور سڈنی ٹھنڈرز کو جیت کے لئے 185 رنز کا ہدف دیا۔
ایڈیلیڈ اسٹرائیکرز کی جانب سے ایان کوک بین نے 65 رنز کی اننگ کھیلی،میتھیو شارٹ 39،الیکس کیری 23 اور جوناتھن ویلس نے 18 رنز بنائے۔
سڈنی ٹھنڈرز کی جانب سے گرندر سندھو اور تنویر سانگھا نے 2،2 کھلاڑیوں کو آؤٹ کیا جبکہ نیتھن اینڈریو اور جیسن سانگھا نے 1،1 وکٹ حاصل کی۔
ہدف کے تعاقب میں سڈنی ٹھنڈرز مقررہ 20 اوورز میں 6 وکٹوں کے نقصان پر 178 رنز بنا سکی۔
سڈنی ٹھنڈرز کی جانب سے جیسن سانگھا 61 رنز بنا کر ٹاب اسکورر رہے،الیکس روس 56 جبکہ کپتان عثمان خواجہ نے 23 رنز بنائے۔
ایڈیلیڈ اسٹرائیکرز کی جانب سے ہیری کونوے اور پیٹر سڈل نے 2،2 وکٹیں حاصل کیں جبکہ میتھیو شارٹ نے 1 شکار کیا۔
ایان کوکبین کو 65 رنز کی اننگ کھیلنے پر مین آف دی میچ کا ایوارڈ دیا گیا۔
