معروف بھارتی رئیلٹی شو بگ باس کے سیزن 15 کا ٹائٹل بھارت کی ٹی وی اسٹار تیجسوی پرکاش نے جیت لیا۔
4 ماہ بعد بگ باس 15 کا سیزن اپنے اختتام پذیر ہوا جس میں تیجسوی پرکاش سب سے مضبوط امیدوار قرار پائیں جب کہ پراتک سہجپال اور کرن کندرا دوسرے اور تیسرے رنر اپ قرار دیے گئے۔
#TejasswiPrakash winning moments from #BiggBoss15!#Tejasswi #TejaTroops #tejasswiparkash #TejRan @itsmetejasswi @Tejasswiholics_ @TejasswiFandom1 pic.twitter.com/7yCdIq8NM5
— Pune Times (@PuneTimesOnline) January 31, 2022
بگ باس 15 کے فائنل میں تیجسوی پرکاش، کرن کندرا، پراتک سہجپال، شمیتا شیٹی اور نشانت بھت سمیت 5کنٹسٹنٹ پہنچے تھے جنہیں فائنل میں ایک سوٹ کیس پیش کیا گیا جس کی قیمت 10 لاکھ روپے تھی۔
اس دوران فائنلسٹ کی دوڑ میں شامل نشانت بھت نقد رقم لے کر شو سے باہر ہو گئے۔
ووٹوں کی گنتی شروع ہوئی تو اس دوڑ میں ماڈل پراتیک سہجپال اور تیجسوی پرکاش باقی رہے جس کے بعد تیجسوی پرکاش نے سہجپال کو شکست دے کر بگ باس 15 کا تاج اپنے سر سجا لیا۔
بگ باس سیزن 15 کے فائنل میں بگ باس کے سابقہ فاتحین گوتم گلاٹی، روبینہ دلائک، شویتا تیواری، اروشی ڈھولکیا اور گوہر خان نے پرفارم کیا۔
