گزشتہ روز بالی ووڈ اداکار راج کمار راؤ اور پترلیکھا کی سفید تھیم والی پری ویڈنگ فیسٹیول کی تصاویر سوشل میڈیا پر گردش کر رہی تھیں تاہم اب دونوں کی شادی کی تصاویر سوشل میڈیا پر وائرل ہوگئیں۔
بھارتی میڈیا کے مطابق اداکار راج کمار راؤ اور پترلیکھا آج چندی گڑھ کے ایک ہوٹل میں دوستوں اور اہل خانہ کی موجودگی میں شادی کے بندھن میں بندھ گئے ۔
اداکار راج کمار راؤ اور پترلیکھا نے اپنی شادی کی تقریب کی پہلی تصویر اپنے انسٹاگرام پر شیئر کردی.
شادی کے موقع پر دلہا اور دلہن دونوں بھارت کے روایتی لباس زیب تن کرکے خوشگوار موڈ میں نظر آئے۔
اداکار نے اپنے سوشل میڈیا پیغام میں لکھا کہ آخرکار 11 سال کی محبت اور دوستی کے بعد، میں نے آج اپنی زندگی، ساتھی، میری سب سے اچھی دوست سے شادی کرلی ہے.
انہوں نے مزید لکھا کہ آج میرے لیے اس سے بڑی خوشی کوئی اور نہیں ہے کہ اب میں ہمیشہ آپ کا شوہر کہلاوں گا۔
تقریب میں تمام پروٹوکول پر عمل کرتے ہوئے مہمانوں کی فہرست 100-150 افراد تک محدود تھی۔
