ہالی وڈ اسٹار آرنلڈ شوارزینیگر اور ایوارڈ یافتہ امریکی صحافی ماریہ شرائیور کے درمیان 35 سالہ ازدواجی رشتہ اختتام پزیر ہو گیا۔
غیر ملکی خبر رساں ادارے کے مطابق دونوں میاں بیوی تقریباً 10 سال سے علیحدہ رہ رہے تھے۔
امریکی ریاست کیلیفورنیا کے سابق گورنر آرنلڈ شوارزینیگر نے 2011 میں گھریلو عملے کی رکن کے ساتھ اپنے غیر ازدواجی تعلقات کا انکشاف کیا تھا، جس پر ان کی اہلیہ ماریا شرائیور نے عدالت سے اپنی 25 سالہ شادی کو ختم کرنے کی درخواست دائر کی تھی۔
عدالتی ریکارڈ کے مطابق منگل کے روز لاس اینجلس کے ایک جج نے طلاق کو حتمی شکل دے دی جس کے بعد ان کی شادی 35 سال بعد اختتام کو پہنچ گئی۔
