آئی سی سی نے ٹی ٹوینٹی کی نئی ریکنگ جاری کر دی ہے جس میں کپتان بابراعظم کی دو درجے تنزلی ہوئی ہے جس کے بعد و ہ اپنی ٹاپ پوزیشن سے ہاتھ دھو بیٹھے ہیں ۔
تفصیلات کے مطابق ٹی ٹوینٹی ریکنگ کےمطابق بابراعظم دو درجے تنزلی کے بعد تیسرے نمبر پر آ گئے ہیں جبکہ انگلینڈ کے ڈیوڈ میلان نے واپس پہلی پوزیشن سنبھال لی ہے جبکہ جنوبی افریقہ کے ایڈن مرکرام دوسرے نمبر پر آ گئے ہیں، قومی ٹیم کے کھلاڑی محمد رضوان چوتھے نمبر پر جگہ برقرار رکھے ہوئے ہیں ،پانچویں پر بھارت کے لوکیش راہول ہیں ۔
گیند بازی کے میدان میں پہلی پوزیشن سری لنکا کے ہرسنگا نے سنبھال رکھی ہے تاہم شاداب خان کی پانچ درجے ترقی ہوئی ہے اور وہ 9 ویں پوزیشن پر آ گئے ہیں، شاہین شاہ آفریدی گیارہویں اور حارث روف 19 ویں پوزیشن پر موجود ہیں۔
