مائیکرو بلاگنگ ویب سائٹ ٹوئٹر نے اپنے صارفین کی آسانی کیلئے نئے فیچر کی آزمائش شروع کردی ہے۔
ڈیلی میل کی رپورٹ کے مطابق اب صارفین اپنے کسی بھی فالوور کو بلاک کیے بغیر اسے فالوورز کی فہرست سے ہٹا سکیں گے جس کا نوٹیفکیشن بھی اس شخص کو موصول نہیں ہوگا۔
ٹوئٹر کا مذکورہ فیچر فی الحال ویب ورژن پر صرف کچھ صارفین کے لیے دستیاب ہے، یہ آپشن اس صارف کو آپ کی مستقبل کی پوسٹس دیکھنے سے روکتا ہے۔
We're making it easier to be the curator of your own followers list. Now testing on web: remove a follower without blocking them.
To remove a follower, go to your profile and click “Followers”, then click the three dot icon and select “Remove this follower”. pic.twitter.com/2Ig7Mp8Tnx
— Support (@Support) September 7, 2021
کسی بھی دوست یا عام شخص کو اپنے فالورز کی فہرست سے ہٹانے کے لیے آپ اس آزمائشی فیچر کا استعمال کرسکتے ہیں جس کیلئے صارفین اپنی پروفائل پر جا کر ‘فالوورز’ پر کلک کر سکتے ہیں پھر تھری ڈاٹ آئیکن پر کلک کریں اور ‘اس فالوور کو ہٹائیں’ والے آپشن کا انتخاب کرلیں۔
ان فالو کیے جانے والے شخص کو اس بارے میں کوئی اطلاع نہیں دی جائے گی لیکن اگر انہیں معلوم ہوا کہ انہیں ان فالو کردیا گیا ہے تو ان کے پاس دوبارہ فالو کرنے کا آپشن موجود ہوگا۔
مذکورہ فیچر صارفین کی پرائیویسی کو نظر میں رکھ کر پیش کیا گیا ہے۔
