رواں برس ریلیز کے لئے تیار اسپائیڈر مین: نو وے ہوم کی لیک ہونے والی تصویر نے تہلکہ مچادیا۔
اسپائیڈر مین: نو وے ہوم میں اس مرتبہ ٹام ہالینڈ اپنی اداکاری کے جوہر دکھاتے ہوئے سپر نیچرل ہیرو کا کردار ادا کریں گے۔
سوشل میڈیا پر زیرگردش اس تصویر میں ایک نہیں بلکہ تینوں اسپائیڈر مینز کو دیکھا جاسکتا ہے۔
صویر کے مطابق تینوں اسپائیڈر میں ایک ہی فریم میں دکھائی دے رہے ہیں جبکہ تینوں کسی کروز شپ پر ایکشن سین کے بعد دکھائی دے رہے ہیں۔
اسپائیڈر مین-1، اسپائیڈر مین-2 اور اسپائیڈر مین-3 میں جلوہ گر ہونے والے ٹوبی میگوائر کے ساتھ ساتھ دی امیزنگ اسپائیڈر مین-1 اور دی امیزنگ اسپائیڈر مین-2 میں مرکزی کردار نبھانے والے اینڈریو گارفیلڈ کو بھی تصویر میں دیکھا جاسکتا ہے۔
واضح رہے کہ فلم اسپائیڈر مین نو وے ہوم رواں برس دسمبر میں ریلیز کی جائے گی۔
