قومی ٹیم کے وکٹ کیپر و بیٹر محمد رضوان نے کرائسٹ چرچ کی مسجد میں بیان کرکے سب کے دل جیت لیے ہیں۔
پاکستان کرکٹ ٹیم ان دنوں سہ فریقی سیریز کے لیے نیوزی لینڈ میں موجود ہے جہاں انہوں نے اب تک دو میچز کھیلے ہیں جس میں کامیابی حاصل کی ہے۔
پہلے میچ میں پاکستان نے بنگلادیش کو شکست دی جب کہ دوسرے میچ میں میزبان ٹیم نیوزی لینڈ کو پچھاڑ دیا۔
اس موقع پر قومی ٹیم کے وکٹ کیپر و بیٹر محمد رضوان کی کرائسٹ چرچ کی مسجد میں بیان کی ویڈیو وائرل ہورہی ہے جب کہ ان کے مسجد میں پہنچنے پر کئی لوگوں نے ان کے ساتھ سیلفیاں بھی بنوائیں۔
محمد رضوان کے ہمراہ مڈل آرڈر و بیٹر افتخار احمد بھی موجود تھے جب کہ محمد رضوان کے بیان نے سب کے دل جیت لیے ہیں۔
محمد رضوان نے اپنے بیان میں اللہ پر یقین کے حوالے سے تفصیلی گفتگو کی جس کو شرکاء نے بہت پسند کیا۔
واضح رہے کہ قومی ٹیم منگل کو نیوزی لینڈ کے مدقابل ہوگی جب کہ کھلاڑیوں کا پریکٹس سیشن کل شیڈول ہے اور آج مکمل آرام کا دن مہیا کیا گیا ہے۔
