پاکستان کرکٹ بورڈ کے چیئر مین رمیز راجہ نے گورنر سندھ عمران اسماعیل سے ملاقات کی جس میں سندھ کے ٹیلنٹ کو سامنے لانے کیلئے مشترکہ اقدامات پر اتفاق کیا گیا۔
کراچی کے دورے پر آئے ہوئے پاکستان کرکٹ بورڈ کے چیئرمین رمیز اراجہ نے گورنر سندھ عمران اسماعیل سے گورنر ہاؤس میں ملاقات کی، جس میں ڈومیسٹک اور انٹرنیشنل کرکٹ کے امور سمیت ملک میں کرکٹ کی بہتری، لیگ کرکٹ کے فروغ کیلئے اقدامات پر تبادلۂ خیال کیا گیا
Chairman PCB Ramiz Raja met Governor Sindh Mr Imran Ismail at the Governor House Karachi today. pic.twitter.com/DNvq91gubO
— Pakistan Cricket (@TheRealPCB) October 6, 2021
ملاقات میں سندھ میں کرکٹ کے ٹیلنٹ کو سامنے لانے اور کرکٹ کے فروغ کے لیے مشترکہ اقدامات پر بھی اتفاق کیا گیا۔
گورنر سندھ نے کہا کہ صوبہ سندھ میں ٹیلنٹ ہنٹ کیمپ کا انعقاد کیا جائے۔
گورنر سندھ نے مزید کہا کہ پوری قوم کی نظریں پی سی بی کے نئے چیئرمین رمیز راجہ پر ہیں اور وہ پاکستان کی کرکٹ ٹیم کو ہر میدان میں کامیاب دیکھنا چاہتے ہیں۔
چیئرمین پاکستان کرکٹ بورڈ رمیز راجہ نے کہا کہ وزیر اعظم عمران خان کے اعتماد اور پاکستانی عوام کو مایوس نہیں کروں گا۔
