یہ زی ٹی ای کا دوسرا اسمارٹ فون تھا جس میں اس کیمرا ٹیکنالوجی کو دیا گیا تھا۔
زی ٹی ای ہی کے 2 فونز انڈر ڈسپلے کیمرا ٹیکنالوجی سے لیس عام صارفین کے لیے دستیاب ہیں اور کوئی اور کمپنی اب تک ایسا کوئی فون متعارف نہیں کرا سکی ہے۔
ایکسون 30 دنیا کا پہلا 400 پی پی آئی انڈر اسکرین کیمرا فون ہے مگر اس کے ساتھ ساتھ یہ دنیا کا پہلا فون ہے جس میں 20 جی بی ریم سپورٹ موجود ہے۔
کمپنی نے 12 جی ریم والے اسمارٹ فون میں 8 جی بی کا اضافہ کیا ہے جس سے وہ 20 جی بی ریم والا فون بن گیا ہے۔
اس مقصد کے لیے زی ٹی ای نے میموری فیوژن ٹیکنالوجی کا استعمال کیا ہے جو 12 جی بی ریم کی طاقت کو 20 جی بی تک بڑھا دیتی ہے۔
کمپنی کے مطابق اس وقت زیادہ تر فونز میں 12 جی بی ریم ہوتی ہے جو کچھ صارفین کے لیے کافی ثابت نہیں ہوتی، جس کے لیے میموری فیوژن ٹیکنالوجی ریم آپریشنز کے لیے ریم کی گنجائش بڑھا دیتی ہے۔
جس سے اسمارٹ فون اور ایپس آپریشنز زیادہ ہموار طریقے سے کام کرنے لگتے ہیں۔
ایکسون 30 فائیو جی میں 6.92 انچ کا امولیڈ ڈسپلے فل ایچ ڈی پلس ریزولوشن اور 120 ہرٹز ریفریش ریٹ سپورٹ کے ساتھ دیا گیا ہے۔
کمپنی کے مطابق یہ فون انٹیلی جنٹ ڈسپلے آپٹمائزیشن اور انٹیلی جنٹ پکسل ان ہاسمنٹ کو سپورٹ کرتا ہے۔
ڈسپلے کے اندر 16 میگا پکسل کیمرا چھپا ہوا ہے جس میں پکسل بننگ ٹیکنالوجی موجود ہے، ڈسپلے میں 7 لیئر پر مشتمل اسٹرکچر کا استعمال کیا گیا ہے تاکہ کیمرا سنسر کو زیادہ روشنی مل سکے اور تصاویر کا معیار بہتر ہو۔
فون کے اندر اسنیپ ڈراگون 870 پراسیسر موجود ہے جبکہ 3 منفرد پراسیسنگ ٹیکنالوجیز کو استعمال کیا گیا ہے۔
ایکسون 30 میں 4200 ایم اے ایچ بیٹری 55 واٹ فاسٹ چارجنگ سپورٹ کے ساتھ ہے جبکہ ٹرپل آئس کولنگ سسٹم دیا گیا ہے۔
دیگر فیچرز میں بلیوٹوتھ 5.1، وائی فائی 6، یو ایس بی ٹائپ سی پورٹ اور اینڈرائیڈ 11 آپریٹنگ سسٹم قابل ذکر ہیں۔
فون کے بیک پر 4 کیمروں کا سیٹ اپ موجود ہے۔
فون کا مین کیمرا 64 میگا پکسل سونی آئی ایم ایکس 682 سنسر پر مشتمل ہے، جس کے ساتھ 8 میگا پکسل الٹرا وائیڈ، 5 میگا پکسل میکرو اور 2 میگا پکسل ڈیپتھ سنسر کیمرے موجود ہیں۔
کمپنی نے بتایا کہ کیمرا سیٹ اپ میں ڈوئل وے ویڈیو اسٹیبلائزیشن سپورٹ دی گئی ہے۔
یہ فون فی الحال صرف چین میں دستیاب ہے جس کی قیمت 2198 یوآن سے 3098 یوآن تک رکھی گئی ہے۔
