پاکستان اور انگلینڈ کے درمیان پہلا ٹی 20 انٹرنیشنل آج رات ساڑھے دس بجے کھیلا جائے گا.

تفصیلات کے مطابق پاکستان اور انگلینڈ کے درمیان تین ٹی ٹوئنٹی میچوں کی سیریز کا پہلا میچ آج ناٹنگھم میں کھیلا جائیگا، میچ پاکستانی وقت کے مطابق رات ساڑھے 10 بجے شروع ہوگا۔

ون ڈے سیریز میں شامل امام الحق، عبداللہ شفیق، آغا سلمان،شکیل سعود کی جگہ ارشد اقبال،محمد حفیظ، عماد وسیم، شرجیل خان اور اعظم خان لیں گے۔
ٹی ٹوئنٹی مقابلوں میں کرونا کیسز والے پلیئرز کی آئسولیشن مکمل ہونے کے بعد کپتان این مورگن سمیت سینئرز کا کم بیک ہوا ہے۔

مختصر فارمیٹ کے مقابلوں میں بھی انگلش ٹیم کا پلہ بھاری ہے، دونوں ٹیموں کا اٹھارہ بار آمنا سامنا ہوا جس میں قومی ٹیم صرف پانچ میں کامیاب ہوسکی جبکہ 11میں شکست کا سامنا کرنا پڑا، دو میچ بے نتیجہ رہے۔

پاکستان ٹیم کے سینئر بیٹسمین محمد حفیظ کا کہنا ہے کہ جنوبی افریقا کی طرح اس سیریز میں بھی اچھا پرفارم کریں گے۔

اپنا تبصرہ بھیجیں