لاہور میں موسلا دھار بارش کے باعث قذافی اسٹیڈیم کے اطراف اور نشتر پاک اسپورٹس کمپلیکس میں پانی جمع ہوگیا، جس کے باعث پاکستان اور انگلینڈ کی کرکٹ ٹیموں کے پریکٹس سیشن منسوخ کردیئے گئے۔
لاہور میں منگل کو تیز بارش ہوئی، نشتر پارک اسپورٹس کمپلیکس میں پانی جمع ہوگیا جس کے باعث پاکستان اورانگلینڈ کی کرکٹ ٹیموں کے پریکٹس سیشن منسوخ ہوگئے، کوئی بھی ٹیم پریکٹس نہ کرسکی۔
ٹی 20 ورلڈ کپ کی تیاریوں کے سلسلے میں ہونیوالی 7 میچز کی سیریز کا پانچواں ٹی 20 میچ کل (بدھ کو) قذافی اسٹیڈیم میں کھیلا جائے گا۔
کراچی میں کھیلے گئے 4 میچز میں دونوں ٹیموں نے 2، 2 کامیابیاں حاصل کی ہیں۔
